martes, 15 de mayo de 2018

Torneo de ping pong sub-18

Martín gañou o torneo de ping pong sub-18 ó impoñerse na final a Luismi por 4-1. O terceiro clasificado foi Iago. Graciñas a todos por asistir e lembramos que todos os venres polas tardes hai quedada dos sub18 e polas noites dos adultos.



martes, 10 de abril de 2018

Actividade de dinamización lingüística: Enredando con Pakolas

O xoves 19 de abril ás 16:30h teremos a oportunidade de ver na Casa da Cultura unha actividade de dinamización lingüística coa actuación de Paco Cerdeiras presentando a actividade ENREDANDO CON PAKOLAS, baseado no seu libro disco Pakolas. Esta actividade é gratuita e moi recomendada para os nenos e nenas de Educación Infantil e Primaria.

viernes, 6 de abril de 2018

Contacontos celebración do día internacional do libro infantil

Onte xoves tivemos unha actividade de animación á lectura con motivo do dia internacional do libro infantil. Reunímonos nunha sala os nenos e nenas do Colexio de Primaria do Vicedo xunto cos pais e nais e pasamos un rato moi divertido compartindo contos de todas as idades e algo de música para rematar animadísimos.
Graciñas a todos por asistir e traer os vosos nenos e nenas a compartir historias!!



martes, 3 de abril de 2018

Celebración do Día internacional do Libro infantil

O martes 2 de abril foi o día internacional do libro infantil e para celebralo organizamos esta semana, concretamente o xoves 5 de abril ás 16:15h na Biblioteca da Casa da Cultura unha actividade de celebración, similar á que fixemos o ano pasado na Biblioteca.

Comezaremos coa lectura de contos infantís que temos na propia biblioteca, tanto de Hans Christian Andersen como outros moitos que temos. Tamén escoitaremos audiocontos e mesmo algunhas cancións. Finalmente remataremos cun pequeno agasallo para os participantes.  A actividade está destinada a nenos de infantil e  Educación Primaria.

Animádevos a participar cos vosos nenos e nenas na actividade!


lunes, 26 de marzo de 2018

Ruta de sendeirismo por Fuciño do Porco

Esta semana santa faremos unha actividade que nos lembra aos mércores de natureza do verán. Trátase dunha ruta guiada en tren ata Folgueiro para achegarse camiñando ata o Fuciño do Porco e continuar despois ata San Román. Comeremos alí mesmo e voltaremos en tren de novo ata O Vicedo. Para os que non queiran/poidan ir en tren ou estar toda a ruta, hai a posibilidade de quedar na explanada do Bar Alba (Folgueiro) e comezar alí a ruta e despois rematar en San Román e regresar ata o Bar Alba. Anotacións no teléfono 982 59 01 95. Importante: Levar bocadillo e bebida para comer en San Román e calzado e roupa axeitada para camiñar. A ruta é duns 12 km e é turística, é dicir, camiñarase a un ritmo moi normal, apto para a maioría da poboación e faranse paradas explicativas nos principais puntos de interese.